Thashethemet e mëhershme të internetit janë dëshmuar të janë të sakta - gjiganti jugkorean i elektronikës shpenzuese ditë më parë ka paraqitur celularin me shenjën KC780.

Modeli i ri rrëshqitës nga tabori i LG-së përmban kamerë prej tetë megapikselësh, ekran LCD prej 2.4 inçësh, thjerrëz Schneider-Kreuznach e cila është meritore për fotografi të qarta dhe të kthjella, derisa celulari është në gjendje të njoh dhe të fokusoj fytyrat e njerëzve të cilët i fotografon.

KC780 gjithashtu ka stabilizues të fotografisë, është i aftë të incizojë video-materiale të kualitetit DVD, derisa me kamerën e integruar është e mundur të udhëhiqet edhe me kompjuterin me anë të lidhjes Bluetooth dhe me këtë është mundësuar përdorimi i saj si kamerë uebi.

LG KC780 në treg do të paraqitet në muajin nëntor, derisa çmimi ende nuk është bërë i njohur.

www.lgmobile.com

Deri para pak kohe, krejt ka qenë e rrethuar me thashetheme mirëpo Apple ka konfirmuar paraqitjen e laptopëve të ri të serisë MacBook e MacBook Pro që do të mbahet nesër, më 14 tetor.

Të martën do të zbulohen shumë fshehtësi të cilat ndërlidhen me procesin prodhues të ashtuquajtur “Brick” për të cilin lavdërohet kompania Apple. Bëhet fjalë për prodhimin e shtëpizave për laptopë nga “tullat” e aluminit të cilat formësohen me laser që të krijohen shtëpiza sa më të lehta, të forta dhe kompakte për MacBook-ët bashkëkohor.

Një nga risitë e rralla të cilat kanë rrjedhur në publik nga agjencia Cupertino është çmimi i këtyre laptopëve të cilët do të janë prej 800 deri në 3.100 dollarë amerikanë. Me këto çmime Apple tenton t’i përshtatet krizës financiare botërore dhe të krijojë një ‘klasë të mesme’ të laptopëve ende të shtrenjtë të Applet.

Ekzistojnë edhe një varg informatash, mirëpo ju këshillojmë që të prisni deri nesër kur do të zbulohet çdo gjë në lidhje me ta.

Paraqitet versioni i ri i shfletuesit Opera



Opera Software ka lansuar versionin më të ri të shfletuesit të saj të internetit. Prej risive Opera në versionin 9.6 lavdërohet më së shumti për shpejtësinë e rritur gjatë hapjes së faqeve të internetit.

Versioni i shfletuesit Opera 9.6, përveç shpejtësisë më të madhe, do të ketë edhe e-mail klient të përmirësuar, i cili tani ofron opsionin e leximit të postës elektronike në kushte të shpejtësisë së ulët të internetit.

Është përmirësuar dukshëm edhe sistemi për sinkronizimin e më shumë shfletuesve. Lista e kërkimeve dhe historia e fjalëve të kërkuara në versionin 9.6 sinkronizohet nga njëri kompjuter në tjetrin me anë të opsionit Opera Link. Ky opsion mundëson që të transferohen bookmarks, fjalët e kërkuara dhe historia e shfletuesit edhe nga versionet e mëhershme të Operas.

Është integruar po ashtu edhe lexuesi për RSS i cili në këtë version u mundëson përdoruesve të lexojnë kryetitujt para se të parapaguhen në një kanal të caktuar. Dhe për fund, një e dhënë ndoshta më pak e rëndësishme për ne është se janë përfshirë gjuhë të reja në Opera, të cilat nuk përfshijnë edhe gjuhën tonë.

www.opera.com

Sipas të dhënave zyrtare, pothuajse një e treta e banorëve të shteteve anëtare të BE-së blejnë online, mirëpo vetëm 30 milionë prej tyre, në këtë mënyrë blejnë kur ndodhen jashtë shtetit të tyre. Për ta ndryshuar këtë shprehi, Komisioni Evropian planifikon hartimin e një ligji të veçantë, që do të mbulonte vetëm ketë problematikë.

Komisioni Evropian ka propozuar një mori rregulloresh që mbrojnë blerjen online, ndërsa kanë për qëllim që këtë blerje të bëjë më të sigurt, më të thjeshtë, dhe më tërheqëse për blerësit.

Në këtë mënyrë po ashtu mendohet të zgjerohet tregu i blerjes, dhe që konsumatorët mos të lidhen vetëm me shërbyesit e blerjes online në shtetin e tyre. Me një fjalë, në këtë mënyrë synohet të hiqen kufijtë dhe të rritet e gjithë e-tregtia brenda Bashkimit Evropian.

Rregulloret e propozuara definojnë qartë informatat për prodhimet e caktuara, çmimin e tyre, shpenzimet eventuale shtesë gjatë blerjes, mbrojtjen e konsumatorit në rast se shitësi nuk i furnizon me mallin e paguar, dhe shërbimin e kthimit të mallit, afatet e garantuara dhe të tjera.

D-Link DIR-825 ruter

D-Link ka prezantuar ruterin e saj të ri DIR-825 e cila karakterizohet me dual band mundësitë, duke përdorë në të njejtën kohë frekuencat 2.4 GHz dhe 5 GHz. Ky ruter përdorë tenologjinë SharePort e cila mundëson që të lidhet secili USB printer ose HDD dhe të kyqet në të nga cilido kompjuter nga rrjeti. Ky ruter sic njohton D-Link, është optimizuar për HD video streaming. Kushton rreth 300 dollarë.

Super bateria nga Toshiba

Me sigurni shumë herë ju ka ndodh që në momentet kur ju nevojitet më së shumti laptopi, baterisë i vie fundi. Zgjidhje për këtë mund të jetë bateria e re nga Toshiba e cila është momentalisht prototip dhe është prezantuar në CEATEC Japan 2008. Kjo bateri mban emrin SCIB (Super Charge ion Battery). Speciale për këtë bateri është se për 10 minuta mbushet deri në 90%. Ende nuk është bërë e ditur se kur do të paraqitet në treg.

C902, një celular elegant



Në treg janë hedhur me shumicë modele të ndryshme të celularëve mirëpo së fundi është një model që mahnit me pamjen e tij. Modeli C902 i Sony Ericssonit duket model serioz dhe i biznesit, por njëkohësisht edhe argëtues dhe në trend.

Është vështirë të paramendohet që një telefon ngjyrë kuqe të mund të përdoret nga të dy gjini, mirëpo Sonny Ericsson e ka gjetur nuancën e duhur të ngjyrës. Megjithatë, nëse vërtetë nuk ju pëlqen kjo ngjyrë, atëherë e keni edhe versionin ngjyrë të zezë.
Telefoni ka trashësi prej vetëm 10.5 milimetra – dhe kështu ka marrë statusin e foto-telefonit më të hollë (me 5 megapixel) në botë.

RAZR V3 – mobili mё i shitur nё Amerikё



Nuk ёshtё e habitshme qё Motorola nuk tenton tё hedhё modele tё reja tё celularёve nё treg, kur modeli mё i shitur nё SHBA vazhdon tё jetё RAZR V3.

Hulumtimet amerikane kanё terguar se mё i shituri nё kёtё vend ёshtё modeli i telefonisё mobile, Motorola RAZR V3.

Nё periudhën elektronike ky model ёshtё parahistorik. Mjafton vetëm tё tregohet se kanё kaluar dy vite e gjysmё qё kur Motorola ka publikuar se ka shitur 50 milionё telefona tё tillё.

Kjo e dhёnё vërtetё ёshtё fascinuese pёr iPhone, qё ka zёnё vendin e dytё si mё i shituri. Nё vendin e tretё ёshtё BlackBerry Curve, pastaj LG Chocolate dhe pastaj BlackBerry Pearl.

Shpjegimi pёr kёtё fenomen qëndron nё çmimin tepër tё ulёt tё këtij lloji tё Motorolёs tё cilin operatorёt e ulin edhe mё tej, duke marrё prasysh se Motorola V3 gjendet nё ofertat e tё gjithё operatorёve nё SHBA.

 kompania Google, lidere në kërkimin dhe reklaminin në internet, është duke u zhvilluar edhe në hapësirën e video lojërave, duke lëshuar një beta version të "Adsense in Games", një teknologji e dizajnuar për të vendosur linqe reklamuese në lojërat në internet.

Kjo është një zgjerim i programit Adsense të Google, që publikon reklama në përmbajtjet e ueb faqeve.

Reklamat do të jenë video të cilat personat që luajnë do t’i shohin para ose pas ndeshjes, ose pas kompletimit të ndonjë niveli të lojës.

“Adsense in Games” i lejon Google-t të ofrojë reklama edhe në një hapësirë tjetër të zhvilluar, dhe të shtojë kështu edhe numrin e konsumatorëve.

AMD ndahet në dy pjesë

Kompania e prodhimit të harduerëve, AMD, ka paralajmëruar ristrukturimin e prodhimit, që do t’i ndihmonte në ardhmen të përballet fuqishëm me konkurrencën, para së gjithash me Intelin.

Njëra prej dy pjesëve të prodhimit do të merret me dizajnimin e procesorëve të rinj, derisa detyra e pjesës së dytë do të jetë vetëm prodhimi. Pjesa e cila do të merret me prodhim, do të quhet The Foundry Company, ndërsa pjesa e zhvillimit do të mbajë emrin e njohur AMD.

AMD ka ndarë 5,7 miliardë dollarë për investim, të cilat do të mundësojnë që ky ndryshim të kalojë në mënyrën më të mirë. Një pjesë e parave do të ndahet për modernizimin e prodhimit në Dresden, Gjermani, ndërsa një pjesë për ndërtimin e fabrikës së re të çipave, në New York të SHBA-ve