Roli i NATO-s në Kosovën e pavarur ishte njëra nga temat e shqyrtimit të presidenti amerikan Bush dhe shefit të NATO-s Shefer. "Misioni i NATO-s në Kosovë është misioni i dytë më i rëndësishmi për NATO-n. 16 mijë trupa të NATO-s janë aty për të mbrojtur gjithë kosovarët, shumicën, pakicën, shqiptarët, serbët dhe gjithë të tjerët, në mënyrë që Kosova të ketë një të ardhme të ndritur", tha Shefer.

Presidenti amerikan deklaroi: "E çmoj shumë rolin e NATO-s dhe ndihmën që jep për të krijuar stabilitet në Ballkan". Për zgjerimin e NATO-s nuk është vendosur ende. Vendet kandidate që do të kërkojnë anëtarësimin në Bukuresht, duhet të plotësojnë detyrimet e tyre, kanë konstatuar Bush e Shefer.