Hulu fillon punën, por jo edhe për evropianët
Hulu, projekti i përbashkët i gjigantëve medial NBC dhe News Corp, i cili sjell episode pa pagesë të serialeve të njohura televizive në internet, ka filluar punën e tij. Fatkeqësisht, për ne të cilët jetojmë jashtë SHBA-së kjo nuk do të thotë asgjë, pasi që asnjë prej video materialeve nuk punon.

“Simpsons”, “Saturday Night Live”, “Family Guy”, “Ice Age” – të gjitha këto janë titujt e serialeve, filmave dhe emisioneve të cilat evropianët nuk do të mund t’i shohim në Hulu.com. Në fakt, për shkak të situatës me të drejtat e autorit në këtë video-portal ata punojnë vetëm me vizitorët nga SHBA-të.

Kjo është një prej atyre situatave kur njeri pyet se si është e mundur kjo; lënë anash ligjet dhe rregulloret, nëse NBC dhe News Corp nuk mund të sigurojnë të drejtat për të gjitha shtetet e botës, atëherë diçka nuk është në rregull me krejt sistemin. Sidoqoftë, nga ne nuk do të merr notë pozitive.