iTunes 8.0 shkatërron masivisht kompjuterët me Windows



Ka kaluar vetëm një ditë pas daljes së playerit të ri iTunes8 nga kompania Apple, dhe ka qenë kohë e mjaftueshme për një numër të madh të ankesave dhe problemeve në kompjuterët Windows, natyrisht, të vënë në funksion me Vista.

Frika më e madhe e çdo përdoruesi është i njohuri “"Blue Screen of Death" i cili në rast të instalimit të iTunes 8 është një mysafir i shpeshtë. Më detajisht, pas instalimit të softuerit të iTunes 8 në kompjuter me Windows Vista krejt duket në rregull, deri tek lidhja e parë me iPod apo iPhone, kur edhe paraqitet ekrani i kaltër me porosinë të cilën nuk dëshirojmë ta shohim.

Problemi mund të zgjidhet me nëse bëni downgrade në versionin 7.7 dhe fshirjen e aplikacioneve të mbetura nga versioni 8. Në disa raste problemi i ekranit të kaltër nuk paraqitet nëse para instalimit të iTunes 8 të çinstalohet tërësisht iTunes i mëhershëm, dhe kjo deri më tani është vërtetuar në version 64-bitësh të Vistas, mirëpo ende nuk është e njohur se si ndikon kjo tek numri më i madh i përdoruesve.



Edhe në rast të përditësimit (update) në iTunes 8 pranoni kushtet e përdorimit për atë iTunes e QuickTime (madhësia 80 MB), pos kësaj instalohet edhe një numër i driver-ave të cilët nuk janë të dukshëm gjatë instalimit. Sa për ilustrim, iu instalohet edhe MobileMe (niset kur kompjuteri bën startup me emrin AppleSyncNotofier) si dhe përditësimi për USB kontrollorin u cili, me gjasë të madhe, përdoret gjatë lidhje së iPodit.
Detajet e zgjidhjes së problemit ende nuk dihet derisa vet Apple nuk  deklarohet zyrtarisht.