Kush është më i shpejtë Firefox apo Chrome?

Ditë më parë Google publikoi disa rezultate testimi të shpejtësisë së ekzekutimit të programeve testuese në JavaScript në V8 JVM-në të cilën e shfrytëzon Chrome. Sipas testit Chrome është shumëfish më i shpejtë se konkurrenca. Eh, ia qëlluat, kjo paksa "i ra kresë" ekipit të Mozillës, kështu që në blogun e vet Brendan Eich, programer në TraceMonkey, JVM-në e re dhe shumë të shpejtë që do të gjendet në Firefox 3.1 tha: "Ende jemi në lojë dhe po përparojmë shumë shpejt - lajmet për vdekjen tonë janë ekzagjerime tejmase".

Sipas testeve të tij të TraceMonkey në benchmarkun SunSpider, TraceMonkey në mënyrë sistemore në të gjitha testet  arrin rezultate më të mira se V8. Duke u tallur në llogari të kësaj, Eich pyet nëse JVM-ja e Mozillës do të duhej të quhej V10?Edhe pse akoma nëpër teste V8 ka edhe më tej përparësi të madhe ndaj TraceMonkey, sipas Eich i cili është pionier i programimit JavaScript dhe për JavaScript, deri në fund të vitit kur sistemi do të futet në Firefoxin e ri, kjo çështje do të jetë e zgjidhur. Sa për ilustrim, TraceMonkey është duke u zhvilluar vetëm dy muaj, ndërsa V8 rreth dy vjet.

s ekom provue  kta chrome   po thojn se esht shum i shpejt