Kompania Microsoft Corporation deklaroi të premten se kishte ofruar blerjen e kompanisë së internetit Yahoo Inc, për 44.6 miliardë dollarë, me para në dorë dhe në aksione, çka nënkupton fuqizimin përballë kompanisë tjetër të internetit Google.



Kjo përbën marrëveshjen më të rëndësishme të internetit që nga koha e bashkimit mes kompanive Time Warner dhe AOL.

Yahoo-ja ka deklaruar se tregu online është rritur së tepërmi dhe pritet që brenda vitit 2010 të arrijë në 80 miliardë dollarë nga më shumë se 40 miliardë në vitin 2007.

Ajo shtoi se kjo rritje dominohet nga vetëm një kompani, lideres ''Google Inc''.

"Kemi shumë respekt për Yahoo-në dhe së bashku mund të sjellim zgjidhje të shkëlqyera për konsumatorët..., duke u pozicionuar më mirë në tregun e shërbimeve online'', tha shefi ekzekutiv i Microsoftit, Steve Ballmer. Yahoo-ja nuk ka bërë ende komentet e rastit.


Micro$ofti s`pe don konkurenc hiq

easy, s'pi shet kishe yahoo-ja aksionet per qaq a?

cfare loosera. 

Yahoo refuzon ofertën e Microsoftit
Yahoo Inc. të hënën ka refuzuar ofertën për blerje nga Microsoft Corp duke e vlerësuar atë si tepër të ulët. Drejtuesit janë pajtuar njëzëshëm që pranimi i kësaj oferte nuk është në interes të aksionarëve.

Në njoftimin zyrtar nga Yahoo thuhet se oferta “në masë të madhe nënvlerëson” vlerën e kompanisë.

Microsoft ofertën e vet për blerje, e cila ka qenë gjysma e përbërë në mjete materiale derisa e dyta në aksione, e ka ofruar më 1 shkurt.

Vlera e saj fillestare ishte 44.6 miliardë dollarë, respektivisht 31 dollarë për aksion – që paraqet 62 për qind të premisë në çmim të aksionit të Yahoo-së.

Çmimi i aksioneve të Microsoftit në ndërkohë ka shënuar rënie prandaj oferta aktualisht sillet rreth 41.8 miliardë dollarë.

Në rast se realizohet, bashkimi i Microsoft dhe Yahoo do të paraqiste shkrirjen më të madhe të dy kompanive nga sektori i teknologjisë kompjuterike në botë, me të cilën gjë kompania Google Inc, udhëheqëse në fushën e kërkimit të internetit dhe reklamimit në rrjet, do të fitonte një konkurrent jashtëzakonisht të fortë.