Samsung e Yahoo shpikin internetin nëpërmes televizionit



Kompanitë Samsung e Yahoo kanë bashkuar fuqitë dhe kanë mundësuar që interneti të zhvendoset nga kompjuteri drejt e në kanalin televiziv, kanë njoftuar mediat e huaja.

Samsung nga Koreja e Jugut në panairin industrial IFA, i cili mbahet prej sot e deri më 3 shtator në Berlin, do të njoftoj për bashkëpunimin me makinën e kërkimit të internetit Yahoo në sigurimin e shërbimit të ri të qasjes së internetit nëpërmes televizionit.

Ky shërbim do të quhet “Widget Channel” dhe do tu mundësojë adhuruesve të programeve televizive të përdorin më pak aplikacione të internetit me qëllim të përmirësimit të shikimit të rëndomtë të televizionit.



Shikuesit do të kanë mundësi të shohin lajme, informacione financiare dhe parashikime të motit me anë të dirigjuesit të televizionit.