Samsung nga Koreja e Jugut ka paraqitur diskun më të ri SSD (solid state disk) me shpejtësi të hatashme – shpejtësia e leximit të diskut përbën 200 MB/s, derisa shpejtësia e shkrimit në disk është rritur në 160 MB/s.
Disku i ri i Samsung prej dy inçësh e gjysmë bie në kategorinë MLC (multi-level cell) të disqeve SSD (solid state disk), përmban kapacitet prej 256 GB, derisa përdorë portin e SATA II. Në të njëjtën kohë dimensionet prej 100.3 x 69.85 dhe trashësia prej milimetrash e bëjnë risinë e Samsung diskun më të hollë me këtë kapacitet në treg, i cili përdorë portin SATA II.

Shpejtësitë e përmendura të regjistrimit (160MB/s), respektivisht leximit të dhënave (200MB/s) e bëjnë këtë disk 2.4 herë më të shpejtë se secili disk i fortë klasik.
Përveç të gjitha këtyre që u përmendën më lartë, Samsung MLC 256GB SSD përmbanë enkriptim të avancuar të dhënave në të, me të cilën gjë është evituar mundësia e qasjes së paautorizuar edhe pasi që disku të jetë larguar fizikisht nga kompjuteri në të cilin gjendet.
Pajisjen më të re Samsung do të duhej ta vendosë në treg deri në fund të këtij viti, kur do të duhej të paraqitej edhe varianti i diskut prej 1.8 inçësh.