
Qendra e Thirrjeve (Call Center) e PTK-së, prej të hënës ka filluar me ofrimin e shërbimeve dhe informatave 24 orëshe - 7 ditë në javë - për konsumatorët.
Tashmë konsumatorët për çfarëdo problemi që kanë mund t’i drejtohen në çfarëdo kohe Qendrës së Thirrjeve për të kërkuar sqarime të nevojshme për ta – dhe atë pa kufizime kohore.
“Ky është një hap i madh për gjithë PTK-në, sepse po arrijmë rezultate të mira falë punës dhe gatishmërisë së menaxhmentit, punëtorëve të PTK-së në përgjithësi dhe ne veçanti në këtë rast të atyre të SDD-së”, thuhet në një njoftim për media dërguar nga PTK-ja.
“Gjithë kjo punë po rezulton me ndryshime pozitive dhe ofrimin e shërbimeve gjithnjë më të mira dhe në perceptimin e konsumatorëve tonë si kompani që kujdesemi për ta”, vijon më tej në njoftim.
Me këtë rast, drejtori i Shitjes dhe Distribuimit, Visar Krasniqi, ka thënë se “në të ardhmen e afërt puna jonë do të bëhet edhe më e dukshme me risi sikur kjo”.
Qendra e Thirrjeve 038 500555 ose 038 535353







: