Ipko, mbushje sipas dëshirës përmes bankomatëve

Operatori mobil IPKO, nga dita e premte (2 maj), ka startuar me produktin e ri IPKOMat, i cili u mundëson konsumatorëve që të mbushin llogarinë në telefonat mobil, ditë e natë, përmes bankomatëve të ProCredit bankës.

IPKOMat, në krahasim me ofertat e tjera në treg është një shërbim shumë fleksibil i cili mundëson që shuma e mbushjes të përzgjidhet nga vet konsumatori. Duke përdorur kartelat bankare konsumatorët e IPKO-s do të mund të mbushin llogaritë e tyre në vlerat që ata dëshirojnë, duke u nisur nga 5 euro deri ne 100 euro.

Konsumatorët e IPKO-s, gjithashtu mund të mbushin sipas dëshirës së tyre edhe llogaritë e të afërmve dhe miqve të tyre.

“Përmes shërbimit IPKOMat ne po e shtyjmë edhe një hap më përpara vizionin tonë që t’i afrohemi konsumatori aq afër sa ai të mos shpenzoj kohë dhe mund për të pasur qasje në shërbimet tona. E gjithashtu po i heqim hap pas hapi cilado kufizime që janë vendosur në treg”, tha drejtori ekzekutiv i IPKO-s, Akan Ismaili.

Shërbimi IPKOMat, është i sigurt, i shpejtë dhe shumë i lehtë për t’u përdorur. Në secilin bankomat të ProCredit Bankës janë vendosur edhe udhëzimet për përdorim të shërbimit, që procesin e mbushjes së llogarive e bëjnë skajshmërisht të lehtë.

Produkti IPKOMat, është fryt i bashkëpunimit ndërmjet IPKO dhe bankës ProCredit. “Shërbimi IPKOMat u mundëson klientëve të bankës ProCredit që përmes bankomatëve t’i kreditojnë telefonat e tyre mobil, duke përdorur vetëm kartelat e tyre bankare. Pra si shërbim është tejet funksional dhe klientëve tanë u jep qasje dhe mundësi për ti kryer shërbimet e tyre 24 orë në 7 ditë të javës në 84 bankomate të vendosura në mbarë Kosovën”, tha Florin Lila zëvendësdrejtor gjeneral i ProCredit Bankës.

ProCredit Bank është banka e parë në Kosovë që ofron një mundësi të tillë. Që të gjitha degët e ProCredit Bankës gjithsej 50 në tërë territorin e Kosovës janë të pajisura me teknologji dhe standarde të larta evropiane, përfshirë edhe bankomatet, dhe që të gjitha degët janë të hapura gjashtë ditë të javës.

ooo njerz leni me IE, po kap e merri Firfox 3.0 se loqk osht

Dell, Lenovo e HP më shumë e duan sistemin operativ XP sesa Vista

Siç ka vendosur Dell, të njëjtin shembull kanë vendosur ta përcjellin edhe Lenovo, por edhe Hewlett Packard. Natyrisht, bëhet fjalë për vendimin se në kompjuterët e tyre, të cilët, përkundër sistemit më të modernizuar operativ Vista, ende do të përdorin atë XP i cili është pothuajse një dekadë i vjetër.

Dell ka paralajmëruar se me kompjuterët e tij do t’i shes me Windows XP edhe pas përfundimit të tij më 30 qershor, duke shfrytëzuar të drejtën e downgrade-it, Lenovo ka vendosur për një hap të ngjashëm, por në vend të instalimit të sistemit operativ në kompjuterë do të ofrojë CD-në Windows XP Recovery bootable i cili pa ndonjë problem kalon mbi Vista. Me instalimin e sistemit XP me Recovery CD, do të instalohen edhe të gjithë driver-at e nevojshëm, derisa opsioni i përdorimit të dual-boot nuk do të jetë i mundur.

Ky opsion ka qenë i ofruar në Lenovo edhe më herët, por ka qenë në plan të praktikohet deri më 31 korrik, një muaj pas ndalimit zyrtar të shitjes dhe ofrimit të mbështetjes nga ana e Microsoftit për shfrytëzuesit e Windows XP.

Situata e porsakrijuar do t’i mundësojë Lenovos shfrytëzimin e kësaj mundësie deri në fund të muajit janar 2009, derisa Dell këtë opsion do ta shfrytëzojë për aq kohë sa Microsoft do të mbështes opsionin downgrade.

Prodhuesi i tretë i cili dëshiron t’i bashkohet Lenovos dhe Dellit është HP, mirëpo data dhe mënyra se si do ta bëj këtë nuk është definuar ende.

Al Capone

Al Capone është njëri ndër njerëzit më të njohur në historinë e Amerikës.
Alphonse ishte i lindur në qendrën e imigrantëve Gabriel & Teresa. Mbiemri i tij i vërtetë ishte Caponi, i Amerikanizuar në "Capone". Në përbërjen e familjes Caponi bënin pjesë: James, Ralph, Salvatore (Frank), Alphonse, John, Albert, Matthew, Rose dhe Mafalda. Capone ishte krenar që ishte Amerikan, "Unë nuk jam Italian. Unë kam lindur në Brooklyn"-thoshte shpesh ai.
Al Capone ishte në shkollë me Salvatore Lucania, më vonë i njohur si Lucky Luciano. Kur ishte vetëm dhjetë vjeçar ai filloi të ndeshej me gangsterin e njohur Johnny Torrio.
Si katërmbëdhjetë vjeçar ai e la shkollën pasi që e rrahu njërin prej profesorave të tij. Capone dhe Lucky iu bashkangjitën gangsterëve të njohur si "Five Pointers"(Pesë shigjetat) në pjesën lindore të Manhattan-it. Capone punoi për Frank Yale, president i Unionit të Sicilianëve, si mashtrues dhe puntor në një bar të tij.
Një natë ai e bëri një vërejtje për motren e Frank Galluciano-s dhe Galluciano ia prejti faqën Capone-s me një thikë xhepi, duke i lënë Capone-s tri shenja në pjesën e majt të fytyrës së tij.
Për gati tërë karierën e tij kriminale, gazetat e quajtën Capone- n "Fytyrë të tmerrshme". E pabesueshme por Capone vendosi që t'ia falë Galluciano-s dhe disa vite më vonë punoi si trupëroje e tij.
Johhny Torrino u vendos në Chicago të punojë për dajën e tij, Big Jim Colosimo.
Torrio e dërgoi për zëvendës të tij Capone-n. I dyshuar për dy vrasje Capone ishte i detyruar të largohej nga New York.
Capone punoi te Torrio si mashtrues dhe bandit. Më 11 Maj 1920 Big Jim Colosimo ishte i vrarë nga një vrasës i panjohur. Johnny Torrio tash ishte udhëheqës i bandës më të madhe në Chicago dhe Capone ishte dora e djatht e tij.
Torrio i mashtroi bandat e tjera me një marrëveshtje për paqë, e cila zgjati deri në luftën O'Banion-Genna. Torrio ishte i sulmuar nga një njeri i O'Banion-it si ndëshkim për vrasjen e O'Banion-it. Ai mezi mbijetoi. Para se të largohët për në Itali, Torrio ia dorëzoi udhëheqjen e bandës së tij Capone-s.

Osama bin Laden

Osama bin (Muhamed) Laden: Çdo ditë shtohen faktet se në terrorin e 11 shtatorit mbi Amerikën, është grupi terrorist "Al-Qaida" (Baza)
Babai i tij Muhamad Awar erdhi në vitin 1930 nga jugu i Jemenit në Mbretërinë e Arabisë Saudite, dhe në fillim ai punoi si bartës i valixheve në Jiddah. Më vonë formoi një kompani për Ndërtim, ku ngritjen e tij deri në 50`herë miljarder e mundësoi familja e tij e cila bëri lidhjet e ngushta me mbretërinë arabe.
Osama bin (Muhamed) Laden lindi në vitin 1957 në Riad dhe është fëmija i 52 -të, i Muhamed Bin Awad`it, ështe i martuar 7 herë dhe qëndron në krye të grupit terrorist i njohur me emrin, al - Qaida (Baza).
Bin Laden ishte shtetas i Arabisë Saudite deri në anulimin e nënshtetësisë së tij nga mbretëria e Arabisë Saudite. Thuhet se ka një pasuri prej 300 milionë dollarësh, por sipas burimeve të CIA, thuhet se i kalon miljardat e dollarve, dhe supozohet të ketë deri pesë mijë njerez nën komandë.
Nga agjensitë e antikrimit dihet se Osama bin Ladeni ishte aktiv në sulmet kundër bazave ushtarake të Shteteve të Bashkuara në Riad dhe Dahran të Arabisë Saudite.
Gjithashtu kundër tij është ngritur akuza lidhur me shpërthimin e bombave në dy ambasadat amerikane më 1998 dhe në vitin 1999 në sulmin kundër anijes luftarake USS Cole në Jemen.
Si organizator kryesor në terrorin e 11 shtatorit 2001 ku vdiqën mbi 3050 njerëz, fajësohet organizata terroriste "Al-Qaida" dhe kryeshefi i saj Osama Bin Ladeni.

Bruce Lee 

Bruce Lee i lindur si Lee Jun Fan më 27 nëntor 1940 në San Francisko.
Familja e tij kishte ardhur në Kaliforni një vit para se të lind, sepse babai, një këngëtar operash nga Hong Kongu atje kishte një turne. Në vitin 1941 familja kthehet në Hong Kong. 

Nëna e quajti Brus, çka në gjuhëne tyre tradicionale do të thotë “më i forti”. Në filmin a parë Brus Li u paraqit qysh kur i kishte 3 muaj, ku me nënën ishin si statista në një film.
“Karierën” e tij nga fëmijëria e vazhdoi në Hong Kong, duke luajtur role dytësore në rreth njëzet filma.
Si tinejxher, u bë antarë i grupeve rrugore për të përkryer aftësitë e tij luftarake, që atëherë ashtu iu ishin të nevojshme, dhe filloi të ushtrojë Kung-Fu.
Në vitin 1959, nëna e dërgon në Sietl tek një i afërm, për shkak problemeve të mëdha që kishte me policinë. Në Amerikë mbaroi shkollën e mesme dhe regjistroi fakultetin, të cilin shumë shpejt e braktisi. Gjatë studimeve ai mësoi shokët e tij Wing Chun Kung-fu, të cilin e kishte përkryer në Hong Kong.
Në studime kishte njohtuar edhe Linda Emeri, me të cilën dhe u martua në vitin 1964.
Pas braktisjes së fakultetit, ai hap një shkollë private të Kung-Fu në Sietl, dhe kur u shpërngul me gruan në Los Angjeles, ai atje hapi edhe dy shkolla tjera private.
Në shkolla ai gradualisht futi edhe mjeshtrinë e quajtur Xhet–Kun-Do.
Statusin si personalitet i njohur e arriti në rolet e Kung-Fu filamve, ku zakonisht e kishte rolin kryesor, në të cilin tregoi mjeshtrinë e tij fenomenale në aftësitë luftarake.
Filmat “Zemërimi i grushtit” dhe “Lidhja kineze” paraqesin suksesin e tj më të madh. Në Hong Kong kthehet me familjen në vitin 1971, kur atëherë kishte dy fëmijë – Brendonin dhe Shenon.   


Në Hong Kong, si yll i madh edhe në Amerikë edhe në Azi, ai themeloi shtëpi private producenti, me të cilin arriti disa suksese të mëdha në dy vitet e para.
Mirëpo, Brus Li papritmas vdes në vitin 1973. Si shkaktarë i vdekjes, sipas autopsisë, ishte dëmtuar truri nga reaksioni i organizmit pas përdorimit të disa barërave për shkak të lëndimit të shpindës gjatë treningut.
Mirëpo, shumica e adhuruesve të tij ende besojnë se ai është vrarë.
Fat të njejt pati edhe i biri i tij Brandon, i cili u vra gjatë xhirimit të filmit. Në atë u gjuajt gjatë xhirimit të një skene me plumb të vërtetë në vend të plumbit të zbrastë, deri tani ende në rrethana të pasqaruara.

Ana Kurnikova

Ana Kurnikova ka lindur me 7 qershor 1981 në Moskë. Rjedh nga një familje sportistësh, nëna ishte Tenisere, kurse babai merrej me mundje në stilin grek.
Ajo me tenis filloi të merret qysh kur ishte 5 vjeçare dhe tregoi një talent të madh në këtë sport.
Si 11 vjeçare ajo shpërngulet në Florida, SHBA, ku si trajner do ta ketë Nick Bolitieri, njëri nga trenerët më prestizh në botë.
Ajo sukses të madh arriti në vitin 1995, kur mori titullin e kampionit botërorë në konkurencë juniorësh. Ajo atë vit ishte gjatë në top-listën e ITF. Ajo po atë vit mori  pjesë në gjysmëfinalen e Wimbledon-it në konkurencën e juniorëve.
Është intersante se kjo tenisere ruse asnjëherë nuk ka fituar ndonjë turnir në konkurencën e seniorëve.
Është I njohur fakti se ka fituar shuma të mëdha të hollash pa qenë as njëherë kampion. Kjo tenisere tani konsiderohet njëra ndër teniseret më të bukura në botën e këtij sporti.Suksesi më I madh I saj si seniore ishte gjysmëfinalja e Wimbledon-it. Në ITF listë ajo zakonisht gjendet në pozitat prej 20 deri 30.

Angelina Jolie

Angelina Jolie Voight ka lindur me 4 korrik 1975 në Los Angeles. Babi i saj, John Voight, në fillim të viteve 70-ta kishte marrë çmimin Oskar për rolin kryesor, kurse nëna e saj ishte modele. Ata ishin ndarë kur Nagekina i kishte vetëm një vjet. Ajo u rrit me nënën dhe vëllaun me madh në New York. Rolin e saj të parë e kishte kur i kishte qysh shtatë vjet, në një film ku babai kishte rolin kryesor, producent dhe skenarist.
Angelina Jolie mësoi aktrimin në institutin e New Yorkut që kur i kishte 11 vjet. Pesë vite më vonë, ajo braktis institutin dhe fillon të mirret me manekenizëm. Ajo inçizoi disa reklama, filma studentorë të vëllaut të tij, merr pjesë në spote të ndryshme si të Rollingstonse, Lenny Kravitz.
Rolin e parë në Hollywood ajo e kishte në filmin “Hackers”, ku kishte aktruar së bashku me John Li Miler. Këta pastaj u martuan në vitin 1996, por shumë shpejt ata u ndanë. Vitet e ardhshme kjo aktore në Hollywood quhet si “vajzë e keqe”. Rolet e saja të para ishin kryesisht filma që u mirëpritën keq. Nga fundi i viteve 90-ta ajo kishte dy filma të sukseshëm “Luan me zemër” dhe “Mbledhësi i kockave”. Këto filma kishin sukses të madh komercial, kurse aktrimi i saj kishte kritika solide.
Tre vitet e fundit filmat “Gone in Sixty Seconds”, “Tomb Raider” dhe “Original Sin” ekanë shëndrruar në një seks simbol në fillimin e shekulit 21.
Emrin Angelina Jolie legalisht e ka marrë në vitin 2001, kur e hoqi mbiemrin e babait. Ajo për herë të dytë u martua në vitin 2000 me partnerin e saj të filmeve Tornton. Ata pas një viti u ndanë. Në vitin 2001 Angelina është zgjedhur ambasadore e refugjatëve të Kombeve të bashkuara.

Bon Jovi

Jon Bon Jovi Grupa është formuar në vitin 1983, kur rokeri ambicioz, John BonGiovi kur inçizoi materialin e parë demo në një studio të New Yorkut. Kënga “Runaway” ka arritur atherë sukses dhe ishte shëndrruar në njëhit në New York, çka edhe Bon Jovi formon grupën e tij. Ai kishte mbledhur katër veta, kryesisht shokët e tij, me të cilët vendosi të bëjnë albumin e parë.
John Bongiovi ndërron emrin e tij në Jon Bon Jovi, dhe grupi merr emrin sipas mbiemrit të tij Bon Jovi.
Albumi i parë kishte 30 këngë. Hitet si “You give Love a bad name”, “Livin’ on prayer” dhe “Wanted dead or alive” shumë shpejt zënë vendet e para në top listat botërore. Ky album është shitur me më shumë se 10 milionë kopje, dhe këngëtari ishte shëndrruar në një seks simbol te të gjitha gjeneratat. Suskes të tillë nuk ka pasur asnjë hard-rock grupë tjetër.
Në vitin 1988, “Bon Jovi” me albumin e tyre të dytë u shëndrrua në grupin më të popullarizuar në botë me mbi 25 milionë albume të shitura për më pak se 5 vite.
Sukses përveç muzikës, Jon Bon Jovi kishte edhe në aktrim. Kishte role në disa filma, ku edhe për të cilët kishte bërë edhe muzikën.
Suksesin më të madh në karierën e tij e ka arritur me këngën “Blaze of glory”, e cila është krijuar për filmin “Revolverët e rinj 2” ku dhe ka pasur një rol. Kjo këngë në vitin 1991 ka marrë edhe çmimin Oskar.
Në vitin 1993 ata nxjerrin albumin “Keep the Faith”, ku dhe Jon Bon Jovi shkurton flokët e tij.
Grupa Bon Jovi edhe sot nuk e ka humbur popullaritetin, nuk ka pasur rënje në karierë, ku këngët e reja shëndrrohen në hite dhe hyjnë në historinë e rockut.
Albumi i fundit “Bon Jovi” i cili është içizuar në fillim të vitit 2002 dhe është albumi i tetë i këtij grupi.
Grupi i ka po të njejtit anëtarë qysh prej vitit 1983 kur edhe u formua.

Leonardo Di Caprio

Leonardo Wilhelm DiCaprio është i lindur më 11 nëntor 1974 në Hollywood, Kaliforni. Prindërit e tij janë ndarë deri sa ai ishte foshnje, dhe u rrit vetëm me nënën. Ka ndjekur shkollën e mesme John Marshall, por ka diplomuar pas orëve të veçanta që i ka pasur me një profesor privat, sepse nv ato vite k afilluar të xhirojë filmat e tij të parë. Kur ishte 14 vjeçar ky aktor u shfaq në reklama dhe shou emisione të ndryshme për fëmijë dhe adoleshentë.
Paraqitja e tij e parë në një film ka qenë në filmin "Critters3", i cili në fillim të viteve nëntëdhjetë ka qenë hit i vërtetë. Nominimin e parë për Oscar, Golden Globe dhe disa shpërblime nacionale
i ka fituar kur i mbushi 19 vjet duke iu faleminderuar rrolit në filmin "What's Eating Gilbert Grape?".
Sukses më të madh ka fituar duke aktruar në filmin "Kid's life" me Robert De Niron. Rrole të rëndësishme ka pasur në filmin "Romeo and Juliet" dhe "Marvin Room". Suksesin më të madh e ka arritur duke iu faleminderuar rrolit në filmin "Titanic" me Kate Winslet. Ky film fitoi 11 oskara, dhe me numrin e oskarave të fituar gjendet menjëherë pas filmit "Ben Hura" i cili ka fituar 12 Oscara, edhe pse ky film nuk e fitoi Oscarin për rrolin më të mirë të mashkullit, çmimi i DiCaprios u rrit në 20 milion dollarë për një rrol filmik.
Viteve të fundit ka pasur rrole në filmat "King Luigi XIV", "Famouse", "Gangs of New York" me Cameron Diaz.
Nga viti 1996 deri 1998 DiCaprio ka qenë në lidhje me manekenen Cristen Zang, pastaj me Vanesa Hyde, kurse nga viti 200 është me modelen braziliane Chisel Bandchen.