Dieta-Jetëgjatesia

Një studim i bërë nga një grup shkencëtarësh amerikan, kanë vë re se majmunët me anë të një diete afatgjate, mund të jetojnë më shëndetshëm dhe më gjatë. Deri më tani ky efekt qe njohur vetëm te minjtë. Dieta u mundësonte majmunëve që edhe në moshë të thyer, të i mbronte nga sëmundjet!
Reduktimi i marrjes së ushqimit kalorik, ngadalëson mplakjen e sistemit imunitar dhe duke favorizuar në ktë mënyrë jetëgjatësinë.
Qelizat T janë të rëndësishme për sistemin imunitar
Dieta afatgjate u mundëson këtyre qelizave përmirësimin e gjendjes, prodhimit dhe funksionit. Qelizat T janë një grup i qelizave të bardha dhe janë pjesë e rëndësishme e sistemit imunitar në organizëm. Ato dallojnë qelizat e sëmura dhe trupthat e huaj të futur nga jashtë, dhe ndihmojnë në asgjësimin e tyre. Parasegjithash qelizat T janë përgjegjëse që të i kujtojnë organizmit për natyrën e viruseve ose bakterieve, me të cilat shumë kohë më parë organizmi mund të jetë konfrontuar dhe në ktë mënyrë njeriu bëhet imun ndaj një sëmundje.
Poashtu zvogëlohet prodhimi i substancave të cilat mundësojne ndezjen(inflamacionin) e organeve, që janë tipike për shumicën e sëmundjeve kronike.

Dobësimi i sistemit imunitar, shpesh shkaktari kryesor i vdekjes!
Me procesin e mplakjes, zakonisht vihen re ndryshime në sistemin mbrojtës(imunitar). Arsye kjo që personat e moshuar janë më të predisponuar ndaj sëmundejve infektive. Këto janë ndër shkaktarët kryesorë të vdekjes.